Մեր ծավալուն հետազոտությունները ցույց են տալիս, որ Հայաստանում էներգաարդյունավետ միջամտություների կարևորության մասին իրազեկվածության աստիճանը բարձր է, ինչպես նաև, որ էլեկտրաէներգիայի ծախսերը մեծ ազդեցություն են ունենում տնային տնտեսության բյուջեի վրա:
Հայաստանի տնային տնտեսություններն իրենց եկամտի մոտ 8%-ը ծախսում են էլեկտրաէներգիայի վրա, իսկ կեսը գազի վրա: Էլեկտրաէներգիայի սպառման մոտ 60 տոկոսն օգտագործվում է միայն ջեռուցման նպատակներով: Ձմռան ցուրտ ամիսների ընթացքում ցածր եկամուտ ունեցող ընտանիքների էլեկտրաէներգիայի վրա ծախսվող գումարների զգալի մասը ծախսվում է ջեռուցման վրա:
Պատասխանողների մոտ 87% գտնում է, որ էներգաարդյունավետ վերանորոգումների իրականացումը դրական ազդեցություն կունենա իրենց բնակարանների հարմարավետության վրա: Այդուհանդերձ, ավարտված էներգաադյունավետ ծրագրերի թիվը մինչ օրս բավականին ցածր է: Մարդիկ իրականացնում են փոքր, առանձին վերանորոգումներ, այդ թվում՝ էներգաարդյունավետ միջոցառումներ: Նրանց հիմնական գործողությունն ուղղված է դռները և պատուհանները փոխելուն կամ վերանորոգելուն՝ կիրառելով էներգախնայող լամպեր և նմանատիպ փոքրածավալ միջամտություններ: Թեև այս աշխատանքները հիմնականում ուղղված են բնակիչների հարմարավետության աստիճանի բարձրացմանը, սակայն էներգաարդյունավետ միջոցների ներդրմամբ առաջանում է գումարային և էներգիայի խոշոր խնայողության հնարավորություն:
Ներդրումների վերադարձ կոմունալ համակարգերում էներգախնայող միջոցների ներդրմամբ
Էներգախնայող միջոցների տեղադրման վրա ձեր ներդրումների զգալի մասը կվերադառնա ձեր ապագա կոմունալ վճարումներում խնայողությունների տեսքով: Ներդրումները ներառում են առաջարկվող էներգաարդյունավետ միջոցների ներդրման հետ կապված բոլոր ծախսերը, որոնք գնահատվում են նախահաշվարկի ծավալաթերթի հիման վրա:
Հայաստանում կենտրոնական ջեռուցման համակարգի փլուզումը դրական ազդեցություն ունեցավ այն առումով, որ Հայաստանի բոլոր բնակարանային միավորներն այժմ կարող են կարգավորել իրենց ճշգրիտ էներգասպառումը: Այս եղանակով էներգաարդյունավետ բոլոր միջամտությունները կարող են արագ ազդեցություն ունենալ սպառման վրա և անմիջապես հանգեցնել տնային տնտեսության խնայողությունների:
Կարելի է էներգաարդյունավետության միջամտությունների վերաբերյալ լրացուցիչ տեղեկություններ գտնել Պլանավորեք ձեր միջոցառումները բաժնում:
Խնայողությունների հաշվարկը հեշտացնում է որոշել՝ էներգախնայողության կոնկրետ ինչ միջոցառումներ իրականացնել՝ էլեկտրաէներգիայի ծախսերը նվազեցնելու համար: Տարեկան խնայողությունները (ՀՀ դրամ/տարի) ներկայացնում են էներգախնայողության միջոցառումների վրա ներդրումների արդյունքները: Հետգնման ժամանակահատվածը այն շրջանն է, որ պահանջվում է ներդրումները հավասար տարեկան զուտ խնայողություններով ետ ստանալու համար: Այդ ժամկետից հետո ներդրումը սկսում է գումար «վաստակել», ինչը նույնպես կարևոր ցուցանիշ է սեփականատերերի համար:
Բազմաբնակարան բնակելի շենքերի հարմարանքների վերաբերյալ հիմնական առաջարկությունները ներառում են երկարաժամկետ էներգաարդյունավետ միջոցների ներդրում՝ կապված ջերմամեկուսացման հետ: Մեկուսացումը կիրառվում է՝ ջերմության հոսքը ճեղքերի և շենքի երեսպատված տարածքների միջոցով նվազեցնելու համար:
Մեկուսացնելով հետևյալ տարածքները՝ կարելի է հասնել էներգախնայողության բարձրագույն աստիճանի՝
- Արտաքին պատեր (շենքի երեսպատում), պատուհաններ և դռներ — 30%-40% էներգախնայողություն
- Վերին հարկի տանիք կամ առաստաղ — 15-25% էներգախնայողություն
- Նկուղի տանիք — 10-20% էներգախնայողություն
- Ջերմային կամուրջներ (հատկապես պատշգամբներում) — 10-20% էներգախնայողություն
- Պատերի և տանիքի երեսապատված պատերի միջև եղած ճեղքեր — 5-15% էներգախնայողություն
- Հերմետիկ միջոցներ պատուհանների և դռների արանքում — 5-10% էներգախնայողություն
Կարելի է ապահովել ավելի մեծ էներգախնայողություն, եթե միևնույն ժամանակ իրականացվեն մի քանի միջամտություններ: Այսպես՝ միևնույն ժամանակ շենքի ճակատային հատվածի ջերմամեկուսացումը և տանիքի ջերմամեկուսացումն ու վերանորոգումը կարող են հանգեցնել ավելի համապարփակ խնայողությունների, քան այդ միջոցներից պարզապես մեկի իրականացումը:
