Ինչու՞ ընտրել այս միջամտությունը
Բազմաբնակարան շենքերում ջեռուցման էներգիայի մի զգալի քանակ ցուրտ ամիսների ընթացքում կորում է ընդհանուր օգտագործման տարածքների վատ ջերմամեկուսացման պատճառով, որոնցից են՝ չջեռուցվող ձեղնահարկերը և նկուղները: Բնակարանատերերը հաճախ դժկամություն են դրսևորում այս տարածքներում ներդրումներ կատարելու հարցում, քանի որ նրանք չեն մտածում ներս թափանցող միջանցիկ քամու ուղղակի ազդեցության մասին, որը նվազեցնում է իրենց շենքի և բնակարանի ջերմաստիճանը կամ ավելացնում այս չջերմամեկուսացված տարածքներից արտահոսող ջեռուցման էներգիայի ծախսը։
Կան մի քանի էական գործոններ, որոնք ազդում են մարդկանց՝ ջերմային հարմարավետության փորձառության վրա․
- Օդի ջերմաստիճանը
- Օդի շարժը
- Օդի խոնավությունը
- Ջերմաճառագայթող առարկաների ջերմությունը
Օդի շարժը ներսի օդային զանգվածի շարժման արագությունն է։ Ինչքան բարձր է օդի շարժման արագությունը, այնքան մարդն իրեն հով կզգա։ Նույնիսկ եթե ներսի օդի ջերմաստիճանը պահանջվող նվազագույնից բարձր է, շրջապատող օդի՝ քամուց առաջացող արագ շարժը կարող է անընդհատ մրսելու զգացողություն առաջացնել։
Այդ պատճառով շենքի էներգաարդյունավետության բարելավման համար առաջարկվող ամենատարածված մեթոդը առաստաղների ջերմամեկուսացումն է չջեռուցվող ձեղնահարկի ուղղությամբ։ Սրա շնորհիվ կարելի է հասնել էներգիայի՝ էականորեն ավելի ցածր սպառման և նվազեցնել ծախսը՝ շենքում ընդլայնելով հարմարավետության զգացողությունը։
R արժեքը
Ջերմամեկուսացնող նյութերն իրենց մեջ ունեն օդի փոքրիկ պարկեր։ Այս պարկերը դիմադրում են ջերմության հաղորդմանը նյութի միջոցով։ Շենքի ջերմային դիմադրողականությունը կամ ջերմահաղորդման դիմադրողականությունը որոշվում է դրա R արժեքով (քառ․ մ․ °C/W)։ R արժեքը կարելի է կիրառել՝ ցույց տալու ողջ շենքի, ինչպես նաև դրա երեսպատման առանձին բաղադրամասերի ջերմային դիմադրողականությունը։ Ջերմամեկուսացման՝ ջերմության հաղորդումը դանդաղեցնելու կարողությունը, որը կանխում է տաք օդի արտահոսքը շենքից, չափվում է R արժեքով։
Ընդհանրապես, որևէ նյութի (կայուն ջերմահաղորդմամբ և նյութի միատարրությամբ) ջերմադիմադրողականությունը հաշվարկվում է հետևյալ բանաձևով․
Շենքի երեսպատման R ջերմադիմադրողականությունը (մ2 0C/W). Ձեղնահարկի չջեռուցվող առաստաղ
| Ստանդարտ R ջերմադիմադրողականություն | 3.39R(մ2օC/W)
(2.64-4.55) |
| Պանելային ամրացված բետոնե առաստաղ, 5 մ2 հաստությամբ խարամային ջերմամեկուսացում
|
0.9 R(մ2 օC/W) |
| Պանելային ամրացված բետոնե առաստաղ, 12 մ2 փքապեռլիտ կամ այլ համարժեք նյութ | 3.5 R(մ2 օC/W) |
| Պանելային ամրացված բետոնե առաստաղ, 50 մ2 հաստությամբ խարամային ջերմամեկուսացում
|
3.3 R(մ2 օC/W) |
Ջերմամեկուսացնող նյութերի ընտրությունը
Ջերմամեկուսիչ նյութի ընտրությունը կապված է մի քանի գործոնների հետ, ներառյալ նյութի ջերմահաղորդականությունը, տեղական շուկայում առկա լինելը, անվտանգությունը և արժեքը: Դրանք բոլորը հարկավոր է հաշվի առնել:
Ջերմամեկուսացնող նյութերի ընտրությունը կախված է մի քանի գործոններից, ներառյալ ջերմահաղորդականությունը, առկայությունը տեղական շուկայում, անվտանգությունը և գինը: Նախքան վերանորոգում սկսելը պետք է մանրամասն հաշվի առնել նյութերի այնպիսի հատկությունները, որոնցից են դյուրավառությունը, խոնավության և գոլորշու կլանումը, ինչպես նաև ջերմաստիճանային նստվածքը: Օպտիմալ արժեքը, որը դուք պետք է հաշվի առնեք ջերմամեկուսացնող նյութ ընտրելիս, պետք է լինի նվազագույն գինը համակցված լավագույն որակի հետ:
Փքեցված պերլիտ
Փքեցված պեռլիտը լայնորեն կիրառվում է իր թեթև քաշի և ցածր ջերմահաղորդականության շնորհիվ: Պեռլիտը այրվող չէ, գոլորշի ներծծելու հատկությունը ցածր է (օդից ջրային գոլորշի կլանելու հատկությունը մինչև 3% է), իսկ ջրակլանումը (ընկղմում ջրում 24 ժամով) բարձր է՝ 30% և ավելի:
Այն կարող է պատրաստվել անգամ 30 կգ/մ3 խտությամբ: Դրա ջերմահաղորդականության գործակիցը կազմում է 0.038 -ից 0.058 W/մ°C փքեցված պեռլիտե ավազի, իսկ պեռլիտացեմենտային սալերի համար` 0.06-0.14 Վտ/մ°C:
Ի լրումն հոյակապ ջերմադիմադրողականության և քաշի առանձնահատկությունների, այն նաև ունի բարձր ձայնամեկուսիչ հատկություն: Փքեցված պեռլիտը նաև էկոլոգիապես մաքուր է և ենթակա չէ միջատների և կրծողերի ազդեցությանը:
Հանքաբամբակ
Հանքաբամբակը` «արհեստական ապակենման մանրաթել», մեկ այլ ջերմամեկուսիչ նյութ է, որը նույնպես լայնածավալ կիրառում է գտել ամբողջ աշխարհում և կիրառվում է տանիքների, պատերի և հատակների ջերմամեկուսացման համար: Առկա են հանքային բամբակի երկու հիմնական տիպ՝ խարամային և ապարային: Կան հանքաբամբակ արտադրող մի քանի գործարաններ, որոնք Հայաստանում արտադրում են հանքաբամբակ բազալտի հիմքով:
Հետազոտությունները և փորձերը հավաստում են, որ հանքային բամբակը չի բռնկվում և հալչում է 1000°C և ավել ջերմաստիճանի դեպքում: Դրա շնորհիվ հանքային բամբակը կարող է օգտագործվել վառարանների և ծխնելույզների ջերմամեկուսացման համար: Առկա են հանքային բամբակից տարբեր խտությամբ շինվածքներ՝ 12-ից 180 կգ/մ3 խտությամբ: Թեթև գորգերը կարող են օգտագործվել հորիզոնական մակերևույթների կամ օդափոխվող օդային միջնաշերտով ճակատների ջերմամեկուսացման համար: Հանքային բամբակի ջերմահաղորդականության գործակցի մեծությունն է 0.039-0.045 Վտ/մ°C:
Պոլիուրեթանային փրփուր
Փրփրապոլիուրեթանը բարձր արդյունավետությամբ ջերմամեկուսիչ նյութ է, որը կարելի է տեղում փչել և արտադրել կոշտ սալերի տեսքով: Դրա ջերմահաղորդականության գործակիցը 0.020-0.029 Վտ/մ°C է:
Փչելու պարագայում այն կարող է ծածկել ցանկացած տիպի մակերևույթ, նույնիսկ հատուկ և որոշակի տիպի անկյուններով: Դրական հատկությունն այն է, որ փչովի փրփրապոլիուրեթանից պատրաստված ջերմամեկուսիչ շերտը անկար է և անընդհատ: ՊՓ-ը լիովին համասեռ է, ինչպես ՓՊՍ-ն: Այն ունի փակ ծակոտիներ, ամբողջովին համասեռ է և լցված է իներտ գազով, որն ավելի արդյունավետ ջերմամեկուսիչ է, քան սովորական օդը
