Պատրա՞ստ եք փոխել ձեր կյանքը դեպի լավը։ Դուք արդեն կատարել եք ձեր առաջին քայլը՝ որոշելով վերանորոգել ձեր բնակարանը և դարձնել այն էներգաարդյունավետ։
Կարևոր է ընդգծել, որ էներգաարդյունավետությունը նույնը չէ, ինչ էներգիա խնայելը։ Խնայելը միշտ ինչ-որ զոհողություն է ենթադրում․ օրինակ՝ պետք է տունն ավելի քիչ տաքացնել, կամ ավելի կարճ ժամանակով և այդ պատճառով ևս մեկ սվիտեր հագնել՝ էներգիայի ծախսերը ցածր պահելու նպատակով։ Սակայն ձեր շենքն էներգաարդյունավետ դարձնելը նշանակում է պահպանել առկա ջերմային հարմարավետությունը, կամ լուսավորության չափը՝ փաստացիորեն ավելի քիչ վճարելով, պարզապես ավելի քիչ էներգիա ծախսելով։
Ակնհայտ է, որ շենքը վերանորոգելու դեպքում շատ օգուտներ կունենաք։ Առաջին հայացքից կարող է թվալ, որ այս գործընթացը շատ խրթին է և դժվար՝ միայնակ կատարելու համար։ Պետք է որ շատ հարցեր ունենաք, հետևաբար հեշտ է ընկճվել ճիշտ տեղեկությունները փնտրելիս։
Այս կայքի ԻՆՉՊԵՍ բաժինը ձեզ կտրամադրի արժեքավոր տեղեկություններ, դեպքերի ուսումնասիրություններ, հետազոտություներ, մատչելի ուղեցույց և փորձագիտական խորհուրդ տան վերանորոգման հետ կապված շատ թեմաների շուրջ։
Քայլ առ քայլ մենք կբացատրենք ողջ գործընթացը, որպեսզի միայնակ չանցնեք այդ ամենի միջով։
Ինչպես դարձնել ձեր շենքն էներգաարդյունավետ քայլ առ քայլ․
- Ծրագրի առանձնահատկությունները և ծախսերի հաշվարկ
- Ներկայացնել և ուղղորդել՝ որ միջամտությունն արժե ընտրել
- Արտաքին պատերի ջերմամեկուսացում
- Նոր պատուհանների տեղադրում
- Տանիքի վերանորոգում
- Չջեռուցվող ձեռնահարկերի հարակից առաստաղների ջերմամեկուսացում
- Հատակի ջերմամեկուսացում
- Տեղադրել անհատական սպառման հաշվիչներ
- Ինչու՞ է էներգաաուդիտը կարևոր
- Համատիրություններ
- Շենքերի կառավարում և պահպանություն
- Համատիրության ստեղծում
- Սեփականատերերի որոշում
- Կարևոր օրենքներ և որոշումներ
- Գնումների և ծառայությունների ձեռք բերման գործընթաց
- Ֆինանսավորում
- Ինչպե՞ս ֆինանսավորել: Որտեղի՞ց գումար գտնել: Ֆինանսական մոդելներ:
- Բանկեր-վարկեր
- Համայնքների/քաղաքապետարանների հետ համագործակցություն
- Ներդրումների վերադարձ
- Ծրագրի իրականացում և ղեկավարում
- Նախքան վերանորոգման մեկնարկը
- Վերահսկում
- Ու՞մ հետ կապվել
Այսպիսով, ինչի՞ց սկսել։ Կարող եք կարդալ հոդվածները մեկ առ մեկ, ըստ հերթականության կամ բաց թողել պետք չեղածը։ Օգտվեք ԳԻՏԵԼԻՔ բաժնում հատուկ բառեր և թեմաներ որոնելու հնարավորությունից։ Այցելեք կայքէջի ներքևում գտնվող ՀԱՃԱԽԱԿԻ ՏՐՎՈՂ ՀԱՐՑԵՐ բաժին և, իհարկե, եթե հավելյալ հարցեր ունեք, մի’ վարանեք կապվել մեզ հետ հետևյալ հասցեով/համարով՝ «Հաբիթաթ ֆոր Հյումենիթի Արմենիա» հիմնադրամ, ք. Երևան, Հանրապետության 85ա, բն.9 (Հեռ.՝ +37410587188):
ՀԱՋՈՂՈՒԹՅՈՒՆ ԵՆՔ ՄԱՂԹՈՒՄ ՁԵՐ ՏԱՆ ՎԵՐԱՆՈՐՈԳՄԱՆ ՀԱՐՑՈՒՄ
